دُرّة الشعــر .. وموطــن وآآآآمال
[poet font="Simplified Arabic,4,darkred,normal,normal" bkcolor="transparent" bkimage="backgrounds/21.gif" border="none,4,gray" type=3 line=200% align=center use=ex length=0 char="" num="0,black" filter=""]
وجيت الدار فعيوني حنيـن وموطـن وآآمـال
يفز الشوق في صبح الخفـوق ويربـك اظلالـه
عظيمه هالديار اللـي غلاهـا عانـق الأطـلال
وصل غيم السما مجد وبنا مـن صيتـه لحالـه
أجي كلي فرح كلي تفـاؤل واحضنـك إجـلال
تضميني على صدرك دفـا وأذووووب منهالـه
وفيّـه ! ماتركتينـي أتـوه بزحمـة الترحـال
يناديني هـوى بحـرك وينثرنـي علـى جالـه
ياأطهر أرض في عيني ياأنبل من حكى ومن قال
ياأصدق روح أتنفس هواهـا واعشـق اطلالـه
ياأجمل دار تحضني ياأعظم كـف مـد وطـال
ياأوفى قلـب يتفاخـر بطيبـه أصغـر اعيالـه
ياأغلى من مسك يدّي وخلانـي رقيـت جبـال
وانا في قمة اصرار الشمـوخ أعانـق اجبالـه
ترا بنتك ! على خبرك تـردد سيـرة الأبطـال
وتتنفـس دفاترهـا ( وطـن ) يعتـز بابطالـه
وطن لامن فتح سيفه طعن ذل .. وكِسر مِحتـال
وطـن لافـز شيطـان الغـدر يدفنـه برمالـه
اذا اني ( دُرة الشعْر ) افتخـر لاقالهـا رجّـال
عزيزة نفـس اتباهـى وحرفـي كنـزه افعالـه
كتبت من الزمان الحر حكمه وانقريت .. أمثـال
عشقت الشعر فالساحه .. وغاروا مني ارجالـه
لأن أصدق عباراتي تجينـي عـن قناعـة بـال
لأنـي ماعرفـت أكـذب ولاعايشـت انـذالـه
ربيت بعزة ابلادي ..لبست من الكرامـه شـال
ثيابي مجد .. وبعنقـي يطيـح النـور سلسالـه
اجامل هالبشر بيني وبينـي ! واكـره العـذال
ظنون الشـر خلّتهـم مابيـن المجتمـع عالـه
غروري يستفـز المقرضيـن ويكسـر الأنـذال
نوايا قلوبهـم تـزرع سـواد ٍ يجنـي اذلالـه
اذا كان ( السكوت أثمن ) ترى صمتي يهد جبال
ابرقـا فالكـلام الزيـن وادفـن زيـف عذالـه
انا بنتك .. نعم بنتك ..ولازال العطـا .. لازال
اببني مـن طموحاتـي وطـن واحقـق آآمالـه
ابنظملك على دربي لحن واغني ال يامااااااااااال
بهيجن فزعة اجـدادي بصـوت ارمـاح قتالـه
ابزرع شيمة الماضي بأرض الشعر لك تمثـال
ابنقش طيب تاريخـك غـلا مطبـوع لأجيالـه
ولانك للملا صرتـي حديـث يعـزز الأقـوال
ابحكي عـز فنجالـك وافـوح بريحـة دلالـه
كثر ماهالحنين احيـا خفوقـي واشعلـك مـوّال
كثر ماهالوفا اربـك شعـوري واكتبـه حالـه
اجي للدار فعيوني حنيـن وموطـن وآآآآمـال
يفيض الشوق في روحي وشمس البوح تحلالـه
[/poet]
العرض العادي
