السلام عليكم ورحمه الله وبركاته
الى كل عضو يقرى
ابي احكي لكم عن الفتره اللي قضيتها هاذي الصيف
ابحكي لكم بس عن المواقف المضحكه اللي صارت لنا بوقت تنقلنا ب انحاء الممكله وطبعا طوال الوقت كانوا بنات خالتي معانا
1\ بالشرقيه : بالشرقيه حصلنا مجموعه مواقف و تقريبا فيها اللي يضحك وفيها اللي مايضحك
مثلا مره قررنا نروح حنا البنات ل ماكدونالدز اللي بجنب المجمع النسائي
وطبعا مشنا حنا من الهابي لاند الى هناك يعني ضربنا مشوار
و حنا بالطريق كان الشارع مليان سيارات شباب و طبعا اغاني مرفوعه
و كنا خايفات مره و تحسفنا اننا رايحات بس تصبرنا و دخلنا المطعم بامان والله الحمد بس المشكله عقب ما طلعنا
وش صار
جاء واحد وطلع راسه من الدريشه وانا كنت امشي و يصرخ بوجهي انا وبنات خالتي و يصفر
و مره انا و بنت خالتي بلحالنا طالعين من فؤاد سينتر كانت بنت خالتي شوي مليانه
جاء واحد من الشباب و يصرخ و يقول لها يالدبه
وانا ضحكت عليها هههههههههههههههههه
و في مواقف اكثربالشرقيه بس ما احب اقولها لانه احس با انها عاديه
2\ بالجبيل :
رحنا الجبيل على اساس اننا ماخذين ثلاث شاليهات واحد لنا حنا البنات الكبار و واحد للرجاله و واحد للحريم الكبار يعني خالاتي وعمتي و و الخدامات
وكنا مستانسين حنا البنات لانه تدرون جلسه وسهر بشليه لنا حنا و سهر على الدش و سواليف وتعليقات
بس المشكله انه انا من وصلت الجبيل مرضت و الزكام اللي ذابحني و اعديت بنت خالتي معاي وصرنا هوشه على كراتين المناديل و كل ما اخذت مني منديل احسبه عليها واقول لها تراني باخذه من كرتون منديلك الجديد لا جاء هههههههههههههههههههههههههه
المهم اول يوم وصلنا كان حظنا شين بدت الرطوبه الى انه الدريش القزاز كلها مويه بخار
و طبعا عشان الجو كان دمار ضلينا جالسين بالشاليه و حنا سهرانين يالبنات مانسمع الا الجرس يدق ونقول مين
و يطلعون الحريم الكبار قلنا وش فيكم قالو نبي نزوركم ونبي ننام عندكم
وحنا لا لا لا مانبيكم معنا نبي نسهر حنا
و قلنا ليش
اثره شاليه الحريم خرب مكيفه ههههههههه وجو صيانه المكان و حاولوا الى الساعه 6 الصبخ يصلحونه ما قدرو وكل شوي طافين الكهرب على المنطقه عشان ذا المكيف اللي خربوه
و يقول العامل انه ماعمره صار بذا المنطقه ذا الخراب الشين اللي صار
و مر ثاني يوم واشوى اخيرا تصلح مكيف شاليه الحريم وافتكينا حنا من زيارتهم الثقيله
و اتفقوا اهلنا مع باص كبير سياحي يجي ياخذنا للبحر عشان نسبح
و طبعا انا طول الوقت مريضه
و رحنا تمشينا وجلسنا على كورنيش الجبيل و بعدها رحنا مجمع الفناتير
وهناك انا كنت حوسه دموعي اربع اربع بسبب الزكام و كرتون المناديل ماسكته من جهه ثانيه و كل مادخلت محل امسك المندي و كخخخخخ
و العمال يناظرونن وو دهم يضحكون بس فيه من كان يضحك علي علني هم بنات خالتي والله ل اوريهم الى الحين يضحكون علي
3\ بالقصيم:
بتقولون وللللللل درتوا انحاء اللمملكه انتو
لا بس عشان جدتي هناك ورحنا كلنا نزورها
هناك اخذنا استراحه وطبعا طوال الوقت سهر الى الصبح وقومه العصر من نقوم من لنوم نروح للمسبح و حنا شغلتنا بس روحه للمسبح و طلعه منه وروحه وطلعه
انا عني طوال اليوم كنت لابسه مايوهي ما فسخته ابد لا نشف لبست فوقه شيالي الجينز بحكم انه فيه عيال خالتي و رجاجيل
لا تحسبون مايوهي خالع ولا شي لا مايوه عادي بنص كم ( والله جالسه افصل لكم وانتوا ايش عليكم )
المهم نرجع لسالفه المسبح حنا قمنا من النوم العصر وتغدينا و يوم جينا نبي نسبح الا فيه ولد خالتي الزر و الله يكرمكم سوا كبيره بالمسبح وو سخه
وش ذا الورطه حنا تونا قايمين من النوم ولا بعد نسبح ولو شوي
المهم هواش وقهر ورحنا نترجى العامل يفضي المسبح و هو رافض لانه كان توه مفضي المسبح و منظفه وكلنا له
في بيبي سوي شي مو زين في وسخ كبييير و شرح له واخيرا فهم و بدا يفضيه
و وحده من بنات خالتي كانت موصله و قالت قومن كلكن ونظفن المسبح معي
وقلنا لها طيب الا وحده مننا وجلسو ا يتهاوشون بالمسبح واللسان على انا خفت يجي دوري وتهاوشني وقلت خليني انسحب واهرب منها قبل ماتجي عندي وتستلمني وانا بشويش بشويش بدون ما تحس علي اثري
اتزحلق بالدرجه من اولها ل اخرها و او صرت كلي كدمات واتعور ههههههههههههههههههههههههههههههههه الى الحين اثار الكدمات موجوده
و هي تقول احسن هاذا اللي بيبي ينحاش امزح انا على طول من تزحلقت رحت ل امها تنقذني منها
واشوى انقذتنا من عصبيتها وقالت بنخلي الخدمات ينظفنها
بس هاذا اللي صار لي تقريبا من مواقف مضحكه
اتمنى انها نالت على استحسانكم ورسمت الضحكه على شفاهكم
اختكم
القصمنجيه
العرض العادي
