لاتسألني ليه هجرتك
ليه خليتك وتركتك
لوحدتك ولهمومك
ليه خليت دمعتك
في يوم تنزل من عيونك
أنت تدري اني تحملتك كثير
كنت احاول ادفع المركب بمجدافي الجريح
واكتم انفاس القهر منك ومااشكي وابيح
لين فاض مابي وتماديت بجنونك
مارعيت الله فيني وكذبت على اللي يسألونك
ليه هجرتك ليه خليتك وتركتك
المساكين صدقوك
لو دروا بالحقيقة كان هم اللي رفضوك
كنت ادري بكل كذبه وكل ظلم
رغم هذا كنت اضحك وابتسم
تدري ليه
ادري انك تعيش حسرة وألم
وفي يوم بتهدك اوجاع الندم
ماهي حكاية غرور وانتقام
لا وربي لا
ماتمنيت لك الا راحة وسلام
كنت ادري انك فيوم
بتفز من عز المنام
وينتهي ليل الكذب وينزاح الظلام
وتشرق شمس الحقيقة في سماك
وتندم وحتى الندم ماكفاك
وتعود لي بقلبك اللي كنت اعرفه
قلب صافي وتعلن لي وفاك
تطلب العفو من قلب حبك كثير
ماعرفت قدره وخذلته
وبجنونك جرحته وظلمته
مايكسر الحب شموخ شيخ وامير
يرفض الذل من طبعه كبير
واليوم راجع تعتذر
تطلب رضاي وتبغى تستمر
في حياتي وكل غلطة لها عندك ألف عذر
بعذرك واسامحك
هذا اللي اقدر عليه
وقلبي اللي قتلته بجفاك
مات في نبضه هواك
انعشه .. احيه من جديد
بصدقك وبوفاك
العرض الشجري
