ياليل ابطي غيابه والغريب امري
من غاب عني وهو ماغاب عن بالي
لاقلت ابنساه احسه بالحشى يسري
واردانساه لكن ماتهيالي
ماعاد خلي مثل ماهو على خبري
دواي وصله واشوفه شح بوصالي
لوهو درى اني عشانه مرخص عمري
ماكان يبطي ولا ينشد عن احوالي
هذاك محد يحبه بالبشر كثري
ابديه من بين خلق الله على حالي
هذاك لجل الهوى سخرت له شعري
واطلقت خيل الشعر عساه يقرالي
هذاك سكر حلى حديثه المغري
هذاك والموت عن فرقاه اشوالي
غلاه ذاب وتفر عن ورد في صدري
عطر الفلا منين مالديت يبرالي
كنه قبالي واشوفه حين مايطري
وامد يمناي له واثر ايتهيالي
اقبح من الذنب اذا قلت اكرهه عذري
لنه وربي على اقرب من ضلالي
كان الهوى في عيوني واضح وقصدي
وكان الهوى في عيونه عذب ازلالي
كنت اعشقه حيل بس ماكان هو يدري
بهبال كنت اعشقه واشتاق بهبالي
مفتاح صبري دخيلك ملني صبري
لاضعت مني دخيلك ويش يبقالي