بسم الله الرحمن الرحيم
السلام عليكم
مشاركة للتواصل
اشعلت ليل الغرام وجيتني بدري =ياحبي الأول ويا حبي التالي
وأن قلت انا رهن اشارة طرفك الخدري =اسقيت صحراء الجفاف وزان منزالي
تعال شف حجم حبك كان ما تدري =اكبر من الكون كله وآخر آمالي
اقلط ولا يحتويك الخوف والغدري =في وسط قلبي لحالك مالك امثالي
يامعذبي همس صوتك يشرح الصدري =ليا زار سمعي وانا مشتاق يحلالي
ان غبت اجاوب حمام الدوح والسدري =وان زرتني للسوالف ينشرح بالي
رفعت قدرك مدامك رافعٍ قدري =واخفيت حبك لكن الحب قتالي
خليني اروى زلا لك واترك الكدري=واهنى بحبك واصونه يا بعد حالي
العرض العادي
