سلملم وكل سنه وأنتم طيبون
أنا جيت أبكمل هذرتي عليكم وأكمل حكاية السندريلا وتشوفون وش صااااااااااااار.
سندريلا والفارس الملطم
الأخ مشفوح شكله جوعان أو ماهو مصدق عمره أنه تزوج وصار مسؤل نزل من السياره وشايل بشته اللي متسلفه من عند (هذي بدايتها يتسلف البشت من أخوياه)راح يركض ونسي عروسته في السياره وهي تناضر ياعمري والفارس الملطم نسي من عروسته ودخل الشقهوهو داخل يشم ريحة الأكل يوم تذ كر أنه أعرسويرجع طيران عند سندريلا ويلقاها مسكينه تدربي راسها وفستانها وتحاول تطلع من السياره وهي العبره واصله حدهاويوم شافته ودها تهزأ فيه بس وش دعوه من أولها. ويقول معليش ياحبيبتي رحت أودي البشت وأفتح الباب(تصريفه)ويمسكها من يدها (يلعن أم المصلحه) ويطلعون الدرج درجه درجه وهي مستانسه ومتشققه من الفرحه(ياعمري مادرت وشو اللي
مستنيها)...
ويدخلون الشقه وتناظر سندريلا في الشقه وتقول هذي هي اللي راح أكمل باقي عمري فيها خساره ليتني قعدت بيت أهلي كان أزين.
عاد ويجي الفارس الملطم وينشب لها ويدخلها الصالون(غرفة الجلوس)وتجلس السندريلا بكل رقه ونعومه ويجي الفارس ويرتز جنبها ويقعد يرحب فيها ويهذر عليها ونص كلامه نصب في نصب وهي تناضر فيه شوى وتنزل راسها شوى وتحس أنها تعبانه وفيها النوم لأن لها شهر ماذاقت النوم من كثر القلق والتفكير.
ودها تقول له ويرحم والديك أسكت أسكت ماني ناقصتك الي فيني كافيني... وهو مازال يهذر يقاله مرح وخفيف دم وتناضر فيه بنظره وعاد هو اللي يلقطها بذكائه ودهائه
الفارس الملطم(والله أنه من جنبها بس صابت هالمره)أنها ملت من حكيه ويقوم ويفسخ البشت وينطله علي جنب...هي عاد خافت..قام وهو متحمس وقال والله مايجيب العشاء إلا انا عاد هي أرتاحت تحسبه يبي شي ثاني!..
المهـــــــــم .. ويروح داعس الأخ العريس ويجيب العشا بعد ماأكل نصه بالمطبخ(ذواقه)..سندريلا ياعمري عليها كارهه نفسها بها الفستان كأنها لابسه صبة بلك عليها.. وهو يطامر الفارس الملطم ويجيب العشا الي ريحة البصل والثوم واصله لنهاية الشارع ويحطه عالطاوله(مسكينه ياسندريلا أول وأخر مره يحضر فيها الفارس العشا)تقوم سندريلا وبكل أدب وتستأذن تقوله ممكن أروح أبدل ؟؟عاد هو عيونه بتطلع ويقولها خذي راحتك تبين مساعده؟؟ تناظر السندريلا فيه وتقول بكل دلع تسلم هو راح فيها
.... وتبدأ معانات السندريلا وشلون بتغير هالفستان ومن وين تبدأ؟ وبعد صراع دام الساعتين مع هالفستان أستطاعت السندريلا أنها تغيره وتشخص لأبو الشباب وتلبس هذاك الفستان الأحمروتطلع له هو عاد عيونه زغللت(مساكين الشباب شافوا البرتقاله وضاعوا) وتجي وتقعد ويبدأ الأخ ياكل وهي تناظر فيه وطريقة أكله اللي تسد النفس وراحت السندريلا وطي وهو على باله مسوي فيها أتكيت وفاهم وصوت الشوكه والسكين سمعتها العماره من كثر ماهو مسوي فاهم(يقاله فنان والله من جنبها) وهي نفسها طبعا مسدوده من كل شي من شافت خشته..
وبعد ماخلصوا أكل قام الأخ ينظف وهي بس تتأمل حركاته وهي خايفه وودها تبكي. ويقعد جنبها يناظر التلفزيون وعين بالتلفزيون وعين عندها وسندريلا نفس الشي بس فيه فرق هي خايفه وهو مستعجل...
المهم..
الفارس الملطم حن قلبه وده يشرب زقاره ويروق قبل ماينام وطبعا ً الليله ليلته وما يقدر يدخن قدام المدام (مسوي فاهم)نسيت غرض بالسياره بوح أجيبه ......ونزل...............
عاد سندريلا أخذتها فرصه تبي تشيك علي شكلها قدام المرايه(ياحياتي علي نياتها)وتروح تحط عطر وروج.
ومرت من عند الشباك ولقته مفتوح شوي جت تبي تسكرها ويوم تناظر لقت الفارس الملطم يدخن تحت!!!يوم شافته قالت طيب أنا أوريك!!مسوي مؤدب!!
ورجعت وقعدت مكانها وشوي وهو جاي (من زين خشته)ويصرف معليش تأخرت عليك قالت لاعادي خذ راحتك عالأخر. ويوم قعد قامت السندريلا وقالت أبستأذن شوي وتدخل الغرفه وتقفل عليها الباب............................................. ......
تدرون وش صار؟؟ نام الفارس الملطم اللي مسوي فيها عالكنبه وياحراااااااااااااام راحت الليله عليه ويستاهل ماجاه
أتمني تكون عجبتكم وماكثرت هذره وحكي والعذر والسموحه
تحياتي لكم من زعيمة عصابة السحالي
~¤¦¦§¦¦¤~ صـــــ الغلا ـــــوووت ~¤¦¦§¦¦¤~
سندريلا والفارس الملطم**الحلقه الأخيره**لاتفوتكم
**زعيمه عصابة السحالي وأباده شغب التماسيح**
العرض العادي
