واخيراً .. دانــه على ايديكم في كرسـي الاعترافات .. (حياكم الله على قل الكلافه) !!!
السلااااااااموو علييييييييكوو
صباح / مساء الخير والاحساس والطيبه مساء مايليق الا باعضاء الــود
بعد ما خلصنا من شباب الراشد اللي مر اسبوعه ولا درينا عنه (محظوظ) وامتعنا بروده واجاباته المقنعه بعض الشي وبعد جهد جهيد من الوسطات ودهن سير وحب خشوم نزف لكم ديناصوره كرسي الاعتراف
(دااااااانه) راعيه الجريات ومهجده بنات حارتنا والحائزه على شهاده ايزو العالميه في النصب والدشاااره
ملاحظه
قبل لا تسأل تأكد انه بجنبك علبه بنادول ؟ احس انها بدخلنا شوارع بأجوبتها
ازيتس وازاي العيال
نشوفك السنه القايه وانت قايه من الحقاز
وش اخبار داانه
عسى بس كثرتي من المشاخر البارح
احم
وش شعورتس لو يدبج بتس الكرسي وتطيحين على راس صووت الغلا..!
يقولون انتس رومانسيه وتحبين الضبان هل هالمقوله صحيحه او يتخللها العديد من تشويه السمعه والاشعاعات المغرضه بحقتس...!
الاختلاف الكبير بين القلب والعقل في عواطفهم وصعوبة الاختيار بينهم ..برايك وين الافضل ان نلغي عواطفنا ونمشي باللي يقوله العقل والمنطق والا نخلي مجاااااال للقلب بانه يتحكم فينا ,,
لو طلبت منك تعطيني عنوان للحياة ايش راح تكتبين ؟
احلام كثيره لكل واحد منا البعض منها تحقق والباقي اما انها الغت اوتغيرت وصار همنا اشياء ثانيه اكثر اهميه من الاحلام والامنيات ..ممكن تتكلمين عنها ؟
^
^
خوذي راحتك ترى ما ورانا شيييي
يقولون ان الحب الاوتوستقراطي يؤدي الى المشاكل الجهنميه الديموقراطيه المتستعبطه والمستنبطه من افكار غربيه دخيله على المجتمع الشرقي وتؤدي احيانا الى امراض القلب والانفلونزا المعديه؟؟؟ماراي دانه الشخصي بهذه المقوله ؟؟
ياليت تفهمنا السؤال قبل ما تجاوب ؟
أكله لازم تصير على سفره الغداء والا ماتتغدين وشي ؟؟
يقولون فيه مقوله تقول : الفطور يخلي الواحد يخور ، وش رايك بهالمقوله ؟؟
ابيتس تقولين لي اول يوم في العيد تصقعينها نومه والا تروح تسلمين على القبيله كلهم ؟؟
هل تحبين تجربعين في الظلام الدامس؟؟
من منطلق الديكوتوقراطيه اللي عندتس : وش رايتس ايهن احسن علك اكسترا والا باطوق ؟؟
بما انهم يقولون انتس خبيره كنبيوتر .. الحين ودي اسالك من زمان الكمبيوترات الهاردسك يجي بالعرض الحين خلوه بالطول ماتدرين وش السبب؟؟
سؤال اتمنى تجاوبين عليه بصراحه مطلقه .. وش عيارتس
جوالك بكميرا والا بدون ؟ وهل تؤيد جوالات الكميرا والا لا ؟؟ >>> الحين بيجي ميشو بيسوي زحمه هنا لوووووووول