ذكـــــرى قـــديـمــه

[][$][عـجـايـب][$][]

كفاني من زمن خاين .. كفاني من سهم غدار
................................. كفاني من حزن دايم رمى حظي مع طيوفه

كفاني قسوة الماضي .. كفاني حرقتن بالنار
................................... كفاني من ظلام الليل يعذبني بشقا خوفه

زماني ما وقف جنبي تركني بدنيتي محتار
................................ تركني شامت ٍ فيني خذلني ساعة وقوفه

سهرت الليل لعيونه اقدم له كتب واشعار
................................. احسب انه معي دايم نسيت الوقت وظروفه

عرفت ان البخت قاسي فقدته في زمن دوار
............................. سهيت وطعنتن جتني .. حسافه بانت سيوفه

دموع الحب تجرحني وتكشف خافي الاسرار
.................................... اضيع بلهفة الماضي ألملم باقي حروفه

فضحني دمعي المقهور تعب مني سقط منهار
.................................... بدا ينزل على خدي يجر دروب مجروفه

حقيقه ما الوم العين اذا سالت بحر وانهار
................................... عذاب ٍ شلته بقلبي جروح ٍ قطعت جوفه

" انا والحزن " قصتنا كما طير ٍ بوسط الغار
................................. حزين ٍ ما لقى دربه سجين ٍ منعدم شوفه

وسلامتكم