ادري انك بنت حلوه وادري وصوفك جميــــــــله= وادري ان الجسم يجنن يفقد العاقل صوابــــــــه
وادري ان الشعر اسود وان خصلاته طويـــــــله =ملمسه مثل الحرير وطلته مثل السحـــــابــه
وادري ان النهد واقف بس مافي اليد حيــــــله =مثل طفلٍ شاف حلوى ولجلها سايل لعـــــــابــه
وادري ان الرمش سيفٍ لارتفع يذبح قبيــــــله = وادري ان الخشم محني مثل قوسٍ في ربابــــــــه
وادري ان الثغر احمر يشفي الروح العليــــــله = وان تركنا او غاب عنا سكره الموت فغيـــــابـــه
من غلاته لاهمس لي مثل ذاك البرق اجيــــــله= ولا سألني من جماله تختلف فيني الإجـــــــابــه
من جماله احسد اهله وكل شخصٍ ينتمي لــــه = من كثر ماأغليه احلف صرت انا احسد ثيابــــــــــه
هو بشر ولا ملاك او هو حكايه مستحيــــــله = ودي اني اسأل امه هل صحيح البطن جابــــــه ؟
ولا هو من نور اصلاً وانولد قطعه فتيـــــــــله =ولا هو مولود بدرٍ والزمن فجأه أعتلى بــــــه
ليه تستغرب كلامي والله اوصافي قليــــــله= من يشوفه يشهد ان ابياتي مافيها غرابــــــــه
هو حلم بالنوم جاني .. وهذي هي كل الحصيــــله = اه من حلمٍ رأيـــته .. واه من باقي سرابــــــــه